🔑 SSH e túneles
E todo sen cavar nin picar pedra. Con pouco esforzo comprenderás dunha vez como funciona SSH, os erros máis habituais e como facer un túnel e os tipos que hai. Comprenderás a potencia que esconden e aprenderás a explotala.
◼️ Qué é SSH
Un protocolo cifrado (Secure SHell) para conectar cun servidor e poder enviarlle comandos en modo texto. Permite moitas máis opcións, como por exemplo, redirixir portos.
🗝️ Xerar chave SSH
Hoxe en día deberíamos abandonar a autenticación por usuario e clave en prol dun método máis seguro, o cifrado asimétrico que emprega chave pública e privada.
Dentro do noso HOME (cartafol de usuario). Habitualmente en GNU/Linux: /home/USUARIO e en Microsoft Windows: C:\Users\USUARIO, debe existir un directorio/cartafol .ssh que pode conter o seguinte:
- 📁 .ssh
- 📄 known_hosts: Fingerprints dos servidores aos que nos temos conectado. A primeira vez que conectamos cun servidor, avísanos e nos amosa o fingerprint. Teóricamente deberíamos asegurarnos que é correcto para evitar ataques tipo MITM.
- 📄 authorized_keys: Fingerprints das chaves públicas autorizadas a entrar no servidor.
- 📄 config: Para non ter que empregar opcións ao conectar. Pódese empregar unha chave, usuario e redirección de portos diferente por cada host.
- 🔑 id_rsa / id_dsa / ed_25519: Chave privada (non publicar e protexer por frase de paso) permite descifrar/asinar o que se cifrou coa chave pública.
- 🔐 id_rsa.pub / id_dsa.pub / ed_25519.pub: Chave pública, pódese publicar e subir aos servidores. Débese engadir ao final do arquivo known_hosts para autorizar a nosa chave.
Se non existe, podemos facer unha das seguintes cousas para crealo:
- Tentar conectar con calquer servidor por SSH. Exemplo:
ssh localhost. - Xerar unha chave SSH:
ssh-keygen.
Creación dunha chave ssh
En Microsoft Windows podemos abrir un intérprete de comandos cmd ou un PowerShell, en GNU/Linux abrimos calquer terminal e executamos
Podes ver a execución en vídeo:
Creación dunha chave seleccionando o tipo de cifrado
Hai varios tipos de chaves dependendo do cifrado elexido: RSA, DSA, ECDSA, ED_25519. As antigas chaves RSA son quizais máis compatibles aínda que algo máis longas e lentas. Unha chave RSA estándar e compatible con case tódolos sistemas terá un tamaño estándar de 2048 bits se ven é habitual atopalas de 4096 bits. Por outra banda as novas chaves ED_25519 (Elliptic Curve Cryptography: ECC) son algo máis rápidas, máis curtas e robustas e teñen un tamaño fixo.
Se queremos gardar a chave nun directorio específico, podemos empregar o parámetro -f ruta-ao-arquivo. Isto resulta útil cando queremos ter varias chaves.
🚇 Tunelización SSH: Empregando SSH para redireccionar portos (SSH Port Forwarding)
Se precisamos acceder a un recurso que está detrás dun firewall ou ben non é accesible directamente pero ao que pode acceder un equipo que ten o servizo de SSH aberto e ao que nos podemos conectar, podemos crear un tunel SSH.
♵ Tipos de túneles
- Locales: Abren no noso equipo (no que executamos o comando SSH) un porto. O destino pode ser o mesmo host ssh (localhost) ou outro destino ao que ese servidor teña acceso.
- Remotos: Abren no porto do host SSH ao que nos conectamos. Podemos exportar un servizo local.
- Dinámicos: Creamos un proxy socks que pode ser empregado por moitas aplicacións (por exemplo, un navegador).
🔲 Comandos
Nunha consola, chamando SSH directamente podemos facer:
Sintaxe: -L: Indica local. O número: 1337 representa o porto local que se abrirá no noso equipo. De conectamos a él, levaranos á IP: 172.17.X.X e porto 3306 a través do servidor ao que nos estamos a conectar.